Tikixmatikan tomasewalixtlamachilis

Keman timokokowah, tiktemowah ken kualtis timopahtiskeh. Tikonih itla pahti kemeh pastiya noso ayohpahtli. Tikittatiwih se tepahti iwan timochiwiliah analisis. San kemanian noihki tikonih pahtli tlen se kipia tokalihtik, kemeh pahxiwitl iwan oksekimeh masewalpahtin.

Se pinotepahti kualtis techpahtis, pero amo san yen yeh kualtis techpalewis. Ich toaltepewan onkateh miak siwameh iwan tlakameh tlen kipiah tlatlamantli ixtlamachtilistli ika tlen kualtis techpalewiskeh. Tla timokokowa, noihki kualtis tikittati se masewaltepahti kemeh xiwpahti noso se tlachihki. Noihki kualtis tikittas tlen pahtli tikpia mokalihtik. Ihkon, amo titlaxtlawas pampa timopahtis.